Gazal

ધરીને હાથમાં કાગળ તને વાંચી રહ્યો છું હું ,     ન દેખાતું જરાયે છળ તને વાંચી રહ્યો છું હું .       ચહેરો   હૂબહૂ   તારો   અહીં  દેખાય  કાગળમાં ,     કરી મીઠી મધુર અટકળ તને વાંચી રહ્યો છું હું.     મજાના  અક્ષરો તારા  બધાં  મોતી  તણાં  દાણાં ,    ગુલો પર શોભતી ઝાકળ તને વાંચી રહ્યો છું હું .        રહું રત યાદમાં તારી મને ક્યાં ભાન છે સ્થળનું ,   હ્રદયથી  હોઉં  છું  ઝળહળ  તને વાંચી રહ્યો છું હું .       પ્રણય સુખથી વધુ ‘મરમી’ નથી સુખ આ જગત માંહે ,   મળી ગઇ એ  પ્રણયની  પળ  તને  વાંચી  રહ્યો  છું  હું .