Archive for the ‘ગઝલ’ Category

Gazal

ડિસેમ્બર 25, 2009

      અર્થ  સાચા  પ્રેમનો  સમજાવ  તું  મને,

     ને  પછી  દે  સ્નેહનો  સરપાવ તું  મને.

 

    ઝાંઝવા  છે  ચોતરફ   તૃષ્ણા  નહીં  ટળે,

    રણ વચાળે આવ  ને  છલકાવ  તું  મને.

 

    જાત  સાથે  સોળ આની  થઇ  જવાય છે,

    લે  વિરહની  આગમાં સળગાવ  તું  મને.

  

   છું  પ્રતીક્ષા રત   બધાયે  ધ્વાર બંધ  છે,

    ખોલ  સાંકળ  માંહ્યલી  ખખડાવ  તું  મને.

 

    આ તિમિરમય  જિંદગી ઝળહળ બની જશે,

    બસ પ્રણયની જ્યોત થઇ પ્રગટાવ તું મને.

 

    ઊગવાનો  મર્મ  પણ મરમી” કમાલ  છે,

    વૃક્ષનું   હું  બીજ   છું   ફણગાવ  તું  મને.

http://marmi.gujaratiblogs.com/

Advertisements